السلام عليكم
النهارده هنتكلم على مرض منتشر جدا وليه علاقه بكل الامراض التانيه والمريض بتاعه يعامل معامله خاصه اللى هو مرض او داء السكرى
هتلاقى فى الصوره كل الاجزاء اللى هنتكلم فيها عن المرض
بدايه من التعريف و الاسباب والتشخيص لحد ما نوصل للعلاج
فى البدايه ايه هو السكر او diabetes mellitus
Is endocrine disorder in which the level of blood glucose raised above the normal range due to absolute or relative lack of insulin
يعنى أيه الكلام دا ؟؟
يعنى فيه خلل فى الغدد القنويه (تفرز الهرمونات فى قنوات ) نتج عن هذا الخلل أرتفاع فى مستوى السكر عن مستواه الطبيعى فى الدم
وبسبب الخلل دا حصل نقص فى الانسولين
وكمان ممكن يكون فيه انسولين كتيييير فى الجسم بس مش شغاال
طيب دلوقتى هو أيه هرمون الانسولين دا
اولا : دا بيتفرز من خلايا اسمها beta cells فى البنكرياس والهرمون دا بيطلع عند الاكل او فى حاجه فى المعده او الجهاز الهضمى اسمها GI peptide بتزود من افرازه ( ودى بتستخدم حاليا فى بعض الادويه للعلاج من السكر )
وكمان الهرمون دا بيقعد فى الجسم من 3-4 دقايق وبعد كدا يتكسر عن طريق الكبد ويخرج عن طريق الكلى (برضو هنستخدمها فى العلاج )
بس الانسولين مش هو بس اللى بيتحكم فى مستوى السكر فى الدم يعنى الانسولين بيقلل السكر فى الدم وهرمونات تانيه بترفع مستوى السكر فى الدم زى :
Glucagon
Epinephrine
cortisol
Growth Hormone
طيب دلوقتى هنعرف أزاى الانسولين بيقلل السكر فى الدم :
Increase glucose transport to muscle & adipose tissue
decrease glycogynolysis
inhibit gluconeogensis
يعنى بيزود من انتقال السكر من الدم للعضلات والنسيج الدهنى
وبيروح فى الكبد ويوقف عملتين اسمهم
ودى معناها تحويل الجلايكوجين الى جلوكوز جديد glycogynolysis
وبكدا انا قفلت مصدر للجلوكوز
وبرضو نفس الكلام على العمليه التانيه اللى اسمها gluconeogensis
وقبل ما أخلص كلامى النهارده كنت عايز اسئل سؤال ...هو ليه هرمون واحد بيقلل السكر فى الدم , فى حين انه فيه 4 هرمونات بتزود السكر فى الدم ؟؟؟
أن شاء الله هنجاوب على السؤال ونكمل كلامنا الحلقه القادمه بأذن الله
فى أمان الله ...والسلام عليكم
0 التعليقات :
إرسال تعليق